Plantun de Prouvènço

Pèr coumpara dos planto d'encò nostre

Plantago afra & Noccaea rotundifolia

Grano-de-niero

Plantago afra

Plantaginaceae

Àutri noum : Erbo-di-niero, Biasso.

Noms en français : Plantain pucier, Plantain psyllium.

Descripcioun :
La grano-de-niero, es uno pichoto planto (5 à 40 cm) que trachis dins li tepiero seco e en ribo de ribiero. Es uno planto gaire ramificado que douno d'èr à Plantago arenaria mai que se n'en destrìo d'un biais segur emé si bratèio de la flour coumpausado que soun mai courto qu'elo. Li fueio soun longo, plato e primo (1 à 3 mm). Coumpara emé l'erbo-bruno que ié sèmblo proun.

Usanço :
Li fueio de grano-de-niero se manjon en ensalado. Li grano, un cop gounflado dins l'aigo, soun bono contro lou quiéu tapa e remoulisson. Ajudon à lucha contro la pisso-douço e lis artèri tapado. Soun peréu utilisado en cousmetico pèr faire de poutingo pèr la pèu (anti-enflamativo).

Port : Erbo
Taio : 5 à 40 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago afra L., 1762

Talaspi(-di-fueio-redouno)

Noccaea rotundifolia

Brassicaceae Cruciferae

Nom en français : Tabouret à feuilles rondes.

Descripcioun :
Lou talaspi-di-fueio-redouno trachis dins lis esboudèu cauquié d'auto mountagno. Es uno planto naneto, sènso péu, que flouris en grapo courto de flour roso óudouranto. Fai de siliculo de 4 à 8 mm. Isto uno meno proche, Noccaea corymbosa, que vèn sus sòu séusous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Noccaea
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 6 à 11 mm
Flourido : Estiéu

Sòu : Ca
Autour basso e auto : 1800 à 3100 m
Aparado : Noun
Juliet à avoust

Liò : Esboudèu
Estànci : Subaupen à Aupen
Couroulougi : Ouroufito-Aupenco
Ref. sc. : Noccaea rotundifolia (L.) Moench, 1802 (= Thlaspi rotundifolia (L.) Gaudin )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago afra & Noccaea rotundifolia

ges

Coumpara Grano-de-niero emé uno autro planto

Coumpara Talaspi(-di-fueio-redouno) emé uno autro planto